விடுமுறை நாட்கள் கொடுமையாக இருக்கும் …. சொந்த தந்தையால் 7ஆம் வகுப்பு மாணவிக்கு ஏற்பட்ட பயங்கரம்!

சினிமா

 

கேரளா மாநிலம் மலப்புரத்தில் தந்தையின் அனுமதியுடன் மகளுக்குக் கடந்த 2 ஆண்டுகளாக பாலியல் துன்புறுத்தல் நிகழ்ந்த சம்பவம் பெரும் அதிர்ச்சியை ஏற்படுத்தியுள்ளது.

அப்பகுதியில் 7-ம் வகுப்பு படிக்கும் மாணவி ஒருவர் தொடர்ந்து பள்ளிக்கு வராமல் இருந்துள்ளார். அப்படியே பள்ளிக்கு வந்தாலும் ஒருவிதமான கலக்கத்துடனே காணப்பட்டுள்ளனார்.

பின்னர், இதுதொடர்பாக பள்ளி நிர்வாகம் தரப்பிலிருந்து, குழந்தைகள் நல பாதுகாப்பு மையத்திற்கு தகவல் தெரிவிக்கப்பட்டிருக்கிறது. அதிகாரிகள் சிறுமியிடம் விசாரணை மேற்கொண்டுள்ளனர். அப்போது பல திடுக்கிடும் தகவல்கள் தெரியவந்துள்ளது.

சிறுமி தெரிவித்ததாக கூறப்படுபவை“2 ஆண்டுகளாக அந்த சிறுமி பாலியல் வன்கொடுமைக்கு ஆளாக்கப்பட்டுள்ளார். தன் தந்தை உட்பட, அவரது நண்பர்கள் எனப் பலரும் அந்தப் சிறுமியை பாலியல் வன்கொடுமை செய்துள்ளனர். விடுமுறை நாள்களில் வீட்டிற்கு வரும் நபர்களின் எண்ணிக்கை அதிகமாகும். 30க்கும் அதிகமானவர்கள் வருவதாகவும், அந்த நாள் மிக கொடூரமாக இருக்கும் என்றும் தெரிவித்துள்ளார்”.

இது குறித்து காவல்துறையினர் தனியார் பத்திரிகைக்கு பேட்டியாக வெளியிட்டுள்ளனர். பின் காவல்நிலையத்தில் வழக்குப்பதிவு செய்யப்பட்டு, போக்ஸோ சட்டத்தின் கீழ் தந்தை உள்ளிட்ட இருவர் கைது செய்யப்பட்டுள்ளனர்.

சிறுமி சனிக்கிழமையன்று குழந்தைகள் நலக் குழு மலப்புரம் முன் ஆஜர்படுத்தப்பட்டு, குலந்தைகள் நல காப்பகத்தில் தங்க வைக்கபட்டுள்ளார்.

இதற்கு முன்னும் கேரளாவில் இது போன்ற சம்பவம் நிகழ்ந்துள்ளது என்பது குறிப்பிடத்தக்கது.

Leave a Reply

Your email address will not be published. Required fields are marked *